नेपाली कांग्रेसको केन्द्रीय कार्यसमितिको बैठक पार्टी कार्यालय सानेपामा जारी छ । उपसभापति विश्वप्रकाश शर्माको अध्यक्षतामा जारी बैठकमा सभापति गगन थापाको राजीनामा, निर्वाचनको प्रारम्भिक समीक्षा लगायतका विषयमा छलफल भइरहेको नेताहरुले जनाएका छन् ।
विशेषगरी बैठकले राजीनामा स्वीकृत गर्ने वा नगर्ने भन्ने विषयमा निर्णय लिने बताइएको छ । यद्यपि बैठकमा राजीनामा दिएका सभापति थापा भने उपस्थित भएका छैनन ।
पार्टी महामन्त्री गुरुराज घिमिरेका अनुसार, बैठकले सभापति थापाको राजीनामाबारे आवश्यक निर्णय लिने पनि बताए । पहिलो बैठकले सभापतिको राजीनामाबारे आवश्यक निर्णय लिएर अर्को बैठकले नियमित महाधिवेशनको मिति घोषणा गर्ने उनले बताए । थापाले केही दिनअघि उपसभापति शर्मा समक्ष राजीनामा बुझाइसकेका छन् ।
