काठमाण्डौँ, साउन १८ : लुम्बिनी प्रदेश सरकारले ८ जना बिनाविभागीय मन्त्रीको जिम्मेवारी बाँडफाट गरेको छ ।
गुल्मीका धनेन्द्र कार्कीले आर्थिक मामिला तथा योजना मन्त्रीको जिम्मेवारी पाउनुभएको छ। सहरी विकास तथा खानेपानी मन्त्रीमा सरोज थापा, वन तथा वातावरणमा बादशाह कुर्मी, उद्योग, पर्यटन तथा यातायात मन्त्रीमा प्रचण्डविक्रम न्यौपानेलाई जिम्मेवारी दिइएको छ ।
त्यस्तै एमालेबाट भौतिक पूर्वाधार विकास मन्त्रीमा भूमिश्वर ढकाल, कृषि तथा भूमि व्यवस्था मन्त्रीमा दिनेश पन्थी, स्वास्थ्य मन्त्रीमा खेम सारु र ऊर्जा जलश्रोत र सिँचाइ मन्त्रीमा सीता शर्मा चौधरीले जिम्मेवारी दिइएको छ।
मुख्यमन्त्री चेतनारायण आचार्यले यही साउन ९ गते नेकपा एमालेबाट ५ र कांग्रेसबाट ४ जना गरी ९ जना विनाविभागीय मन्त्री नियुक्त गर्नुभएको थियो।
