विष्णु पौडेललाई थप पाँच दिन हिरासतमा राख्न अनुमति

सम्पत्ति शुद्धीकरणको कसुरमा पक्राउ परेका नेकपा (एमाले) का उपाध्यक्ष विष्णु पौडेललाई थप पाँच दिन हिरासतमा राख्न विशेष अदालतले अनुमति दिएको छ। विशेष अदालका न्यायाधीश नारायण प्रसाद पौडेल र विदुर कोइरालाको इजलासले बुधबार म्याद थपको अनुमति दिएको हो ।

पौडेलविरुद्ध आज चौथो पटक अदालतले म्याद थपको अनुमति दिएको हो। सम्पत्ति शुद्धीकरण अनुसन्धान विभागले  पौडेललाई गत असार ८ गते सुर्खेतबाट पक्राउ गरेको थियो। दीपक  भट्टसँगको संलग्नतापछि उनीविरुद्ध थप अनुसन्धान भइरहेको छ।