काठमाडौं, कात्तिक ९ :
नेपाली काँग्रेसले १५ औँ महाधिवेशनबाट नवनिर्वाचित केन्द्रीय पदाधिकारी एवं सदस्यहरूको शपथ ग्रहण कार्तिक १२ गते बिहिबार हुने भएको छ ।
शपथको समय तय भएको निर्वाचन समितिका सदस्य सचिव राजु कटुवालले विज्ञप्ति मार्फत जानकारी दिएका छन् । शपथ २ बजे केन्द्रीय कार्यालय सानेपामा हुनेछ।
नव निर्वाचित कार्यसमितिका पदाधिकारी एवं सदस्यहरूलाई शपथ ग्रहण कार्यक्रममा उपस्थितिका लागि आग्रह गरिएको छ ।
नवनिर्वाचित सभापति गगन थापाले भने यसअघि नै शपथ ग्रहण गरिसकेका छन्। केन्द्रीय सदस्यको शपथपछि पहिलो केन्द्रीय समिति बैठक बस्नेछ ।
