गुल्मीको कालीगण्डकी गाउँपालिका–२ दबौखानीमा स्कार्पियो दुर्घटना हुँदा ६ जनाको मृत्यु भएको छ । आज अपराह्न करिब ४ बजे स्याङ्जाको चिरकोटबाट गुल्मीको राक्सेतर्फ जाँदै गरेको बा.अ. ०२२० नम्बरको स्कार्पियो सडकबाट करिब २५० मिटर तल खसेर दुर्घटना भएको हो ।दुर्घटनामा परी पाँच जनाको घटनास्थलमै र एक जनाको उपचारका क्रममा मृत्यु भएको प्रहरीले जनाएको छ ।
मृत्यु हुनेमा स्कार्पियो चालक स्याङ्जाको वालिङ नगरपालिका–२ का ६७ वर्षीय दिलिपकुमार बागले, वालिङ–१० का शिव पराजुली, गुल्मीको कालीगण्डकी गाउँपालिका–१ सिरकोटका लोकनाथ पाण्डे, सोही ठाउँकी सीता पाण्डे र कुलानन्द पाण्डे रहेका छन् ।
घाइतेमध्ये छविलाल पाण्डेको अवस्था गम्भीर रहेको छ । अन्य घाइतेहरुको विभिन्न अस्पतालमा उपचार भइरहेको छ । दुर्घटनाको जानकारी पाएलगत्तै प्रहरी चौकी पुर्तिघाट, इलाका प्रहरी कार्यालय रिडी र जिल्ला प्रहरी कार्यालय गुल्मीबाट प्रहरी टोली उद्धारका लागि खटिएको थियो ।दुर्घटनाबारे थप विवरण संकलन भइरहेको छ
सम्बन्धित समाचार
कालिगण्डकी करिडोरमा स्कार्पियो दुर्घटना, ८ जना घाइते, ४ को अवस्था गम्भीर
