सर्लाही, असोज २९ :
सर्लाहीमा हाइटेन्सन पोलको टुप्पोमा चढेकी एक किशोरीको प्रहरीले उद्धारको प्रयास गरिरहेको छ। कविलासी नगरपालिका २ घर भएकी किशोरी बिहीबार दिउँसो साढे ४ बजेतिरै हाइटेन्सन पोलको टुप्पोमा पुगेर बसिरहेकी छन्।
विजुलीको पोलको टुप्पोमा गएर बसिरहेकी उनको विद्युत् प्रवाह बन्द गरेर उद्धारको प्रयास जारी रहेको जिल्ला प्रहरी कार्यालय सर्लाहीका डीएसपी बेदप्रसाद गौतमले जानकारी दिए।
तलबाट अभिभावक र सुरक्षाकर्मीले बोलाउँदा पनि ती किशोरी तल झर्न मानेकी छैनन् । उनको मानसिक अवस्था ठिक नभएको बुझिएको छ ।स्थानीयले किशोरी बिजुलीको पोलमा चड्दै गरेको देखेपछि तत्काल प्रहरीलाई खबर गरेका थिए। प्रहरी त्यहाँ पुग्दै गर्दा उनी झन्डै टुप्पोमा पुगिसकेकी थिइन् ।
यसअघि पनि यस्तै प्रकृतिको घटना भइसकेको छ । यसर्थ पटकपटक घटना दोहोरिन नदिन तत्काल सुरक्षा सजकता अपनाउनु पर्ने देखिन्छ ।
