नवनियुक्त भारतीय राजदूत सुधाकर पदभार ग्रहणका लागि काठमाडौं आइपुगे

नेपालका लागि नवनियुक्त भारतीय राजदूत सुधाकर दलेला पदभार ग्रहणका लागि मंगलबार काठमाडौं आइपुगेका छन्। दलेला नेपालका लागि भारतको २७औँ राजदूत हुन्। उनलाई भारत सरकारले गत असोज ३० गते नेपालका लागि राजदूत नियुक्त गरेको थियो।

दलेला भारतीय विदेश मन्त्रालयमा आर्थिक सम्बन्ध सचिवको जिम्मेवारीमा थिए।सन् १९९३ मा भारतीय विदेश सेवामा प्रवेश गरेका सुधाकरले आफ्नो कूटनीतिक करिअर इजरायलको तेलअभिभबाट सुरु गरेका थिए।

यसअघि नेपालका लागि भारतीय राजदूत नवीन श्रीवास्तव आफ्नो कार्यकाल पूरा गरी भारत फर्किसकेका छन्। उनले ब्रासिलिया, सिकागो, ढाका, जेनेभा, थिम्पु र वासिङ्टन डीसीस्थित भारतीय नियोगमा विभिन्न जिम्मेवारी सम्हालेका थिए।