काठमाडौं, कात्तिक २२ :
बालुवाटारस्थित नेपाल हाउस रेस्टुरेन्टमा जुवातास खेलिरहेको अवस्थामा प्रहरीले ९ जनालाई नियन्त्रणमा लिएको छ।
उक्त रेस्टुरेन्टमा छापा मार्ने क्रममा जुवा खेलिरहेको अवस्थामा उनीहरूलाई ६ लाख ८५ हजारभन्दा बढी नगदसहित पक्राउ गरिएको जिल्ला प्रहरी परिसर काठमाडौँले जनाएको छ।
विशेष सूचनाका आधारमा प्रहरी वृत्त मालीगाउँबाट खटिएको प्रहरी टोलीले जुवाखालबाट ६ लाख ८५ हजार १९५ रुपैयाँ नगद, ९ बुक तास र १० थान मोबाइल बरामद गरेको छ। पक्राउ परेकामाथि थप अनुसन्धान भइरहेको प्रहरीले जनाएको छ।
