काठमाडौँ, कात्तिक १३ :
धितोपत्र बजारमा शेयर कारोबार मापक नेप्से परिसूचक आज उकालो लागेको छ ।
आज नेप्से परिसूचक २७ दशमलव ४१ अङ्कले बढेको हो । नेप्से परिसूचक आज दुई हजार छ सय ४५ दशमलव ३६ अंकमा पुगेको छ ।
ठूला कम्पनीको कारोबार मापन गर्ने सेन्सेटिभ इन्डेक्स तीन दशमलव १४ अङ्कले बढेर ४ सय ७२ दशमलव ९५ मा पुगेको छ ।
कारोबार भएका १३ वटै उपसमूहको शेयर मूल्यमा आज वृद्धि भएको छ ।
कूल एक करोड चार लाख १८ हजार नौ सय २६ कित्ता शेयर पाँच अर्ब ३४ करोड ४८ लाख नौ सय १२ मूल्यमा खरिद बिक्री भएको छन ।
