नेपालले हङकङ सिक्सेसको पहिलो खेलमा पुर्व विजेता इङ्ग्ल्याण्डलाई ६ विकेटले पराजित गरेको छ ।
प्रतियोगिताको आफ्नो पहिलो खेलमा पुर्व विजेतामाथि ६ विकेटको सानदार जित हात पारेको हो ।
इङ्ग्ल्याण्डले दिएको ९८ रनको लक्ष्य ४.२ ओभरमा कुनै विकेट नगुमाई पूरा गर्यो नेपालको जितमा कप्तान सन्दीप जोराले १२ बलमा ४ चौका र ६ छक्काको सहयोगमा ५० रनले बनाए । लोकेश बमले ११ बलमा १ चौका र २ छक्काको सहयोगमा नट आउट २० रन बनाए ।
त्यसअघि टस हारेर पहिले ब्याटिङ गरेको इङ्ग्ल्याण्डले ६ विकेट गुमाएर ९७ रन बनाएको थियो ।
प्रतियोगितामा नेपाल समूह बी मा अस्ट्रेलिया र इङ्ग्ल्याण्डसँग रहेको छन् । आफ्नो दोस्रो खेलमा शनिवार नेपालले अस्ट्रेलियाको सामना गर्नेछ ।
प्रतियोगितामा १२ टोलीको सहभागिता रहेको छ । सहभागी १२ टोलीलाई ४ समूहमा विभाजन गरिएको छ । समूह ‘ए’मा साविक विजेता दक्षिण अफ्रिका,न्युजिल्यान्ड र हङकङ तथा समूह बी मा नेपाल,इङ्ग्ल्याण्ड र अस्ट्रेलिया रहेका छन् ।
समूह ‘सी’ मा भारत,पाकिस्तान र युएई तथा समूह डी मा श्रीलंका,बंगलादेश र ओमान छन् । हरेक समूहका शीर्ष २ टोली क्वाटरफाइनलका लागि छनोट हुनेछन् ।
प्रतियोगिताको सेमिफाइनल र फाइनल खेल कात्तिक १८ गते हुनेछ । सन् २०१७ मा भएको प्रतियोगिताको पछिल्लो संस्करणमा पाकिस्तानलाई पराजित गर्दै दक्षिण अफ्रिका विजेता बनेको थियो । प्रतियोगिताका खेलहरुमा हरेक टोलीबाट छ खेलाडी सहभागी हुनेछन् ।
