एमालेका ३ नेतामाथिको कारबाही अनुमोदन

नेकपा एमालेको केन्द्रीय कमिटी बैठकले ३ नेतामाथिको कारबाहीलाई अनुमोदन गरेको छ ।

एमाले सचिवालयको गत पुस १० गतेको बैठकले नेता भीमबहादुर रावललाई पार्टीबाटै निष्कासन गर्ने तथा विन्दा पाण्डे र उषाकिरण तिम्सेनाको जिम्मेवारी ६ महिनासम्मका लागि खोस्ने निर्णय गरेको थियो ।

प्रचार विभाग प्रमुख राजेन्द्र गौतमले आजको केन्द्रीय कमिटी बैठकमा त्यसबारे महासचिव शंकर पोखरेलले प्रस्ताव राखेको र बैठकले अनुमोदन गरेको जानकारी दिए ।

‘राजनीतिक प्रतिवेदन प्रस्तुत भएपश्चात् १० महिनाको अवधिमा भएका पोलिटब्युरो, केन्द्रीय सचिवालयले गरेका निर्णयहरू महासचिवले अनुमोदनको लागि प्रस्ताव गर्नुभयो,’ गौतमले भने, ‘र ती निर्णयहरू अनुमोदन भइसकेका छन् । केन्द्रीय कमिटीमा मनोनयन भएका, केन्द्रीय कमिटीबाट बिदा भएका र अनुशासनको कारबाहीमा परेका सबै निर्णयहरूको अनुमोदन भएको छ ।’

यो पनि…

बीआरआईबाट लगानी भित्र्याउन सहयोग पुग्छ : ओली

प्रतिक्रियावादीहरु एमालेविरुद्ध झुटा प्रचारमा लागे : ओली

ओलीको राजनीतिक प्रतिवेदन : अर्थतन्त्रमा सुधार, अपेक्षित गति लिन नसकेको स्वीकार