नेकपा एमालेका प्रमुख सचेतक महेश बर्तौलाले संसद्लाई प्रभावकारी बनाउन सत्तापक्ष गम्भीर रहेको बताएका छन् ।
सिंहदरबारमा मंगलबार बसेको कार्यव्यवस्था परामर्श समितिको बैठकपछि सञ्चारकर्मीहरुसँग उनले यस्तो बताए । बैठकले संसद् सञ्चालनको मिति हेरफेर गरिएको उनको भनाइ छ ।
उनले अहिलेको सरकारले संसद्लाई बिजनेस दिने र संसद्बाट कानुन निर्माण गर्ने कुरामा तीव्रता दिने दाबी गरे । संसद्लाई प्रभावकारी बनाउने कुरामा सत्तापक्ष अलि बढी जिम्मेवार हुनुपर्ने कुरा प्रतिपक्षले राखेको र त्यो स्वभविक रहेको प्रमुख सचेतक बर्तौलाको भनाइ छ ।
‘संसद्को बैठकका मितिहरु हेरफेर गरिएका छन् । कार्यसूची त लगभग त्यही नै भयो । २४ गते अध्यादेशहरु संसद्मा पेस हुनेछन् । २५ गते पनि बैठक हुनेछ । २७,२८,२९ गते बैठक हुनेछ,’ उनले भने, ‘संसद्लाई प्रभावकारी बनाउने कुरामा सत्तापक्ष अलि बढी जिम्मेवार हुनुपर्छ । पार्लियामेन्ट्री कमिटीहरुको बैठकमा कोरम पुर्याउने सन्दर्भमा भन्ने कुरा उठाउनुभयो । संसद् र संसदीय समितिमा सत्ता पक्ष महत्त्वपूर्ण हुन्छ । बढी जवाफदेही रुपमा भूमिका निर्वाह गर्नुपर्छ ।’
प्रमुख सचेतक बर्तौलाले संसद् र संसदीय समितिमा कोरममा सत्तापक्षले विशेष ध्यान दिनुपर्ने धारणा पनि राखे ।
यो पनि…
