धादिङमा ट्याङ्कर दुर्घटना हुँदा दुई जनाको मृत्यु, तीन घाइते

धादिङ, फागुन १५ :

धादिङको गल्छी गाउँपालिकास्थित वडा नम्वर ३ गुप्लेश्वरीमा सवारी दुर्घटना हुँदा दुई जनाको मृत्यु भएको छ । अन्य तीन जना घाईते भएका छन् ।

बाग्मती प्रदेश ०१- ००४ क ३३५२ नम्बरको पानी बोक्ने ट्याङ्कर गएराती एक बजेतिर कच्ची सडकबाट खस्दा दुर्घटना भएको हो । दुर्घटनामा परी मृत्यु हुनेको सनाखत हुन बाँकी रहेको धादिङ प्रहरीले जनाइएको छ ।

ट्याङ्कर सडकबाट करिव दुई सय मिटर तल खसेको प्रहरीले जनाएको छ । घाइतेहरूको जिल्ला अस्पताल धादिङमा उपचार भइरहेको छ । ट्याङ्कर भीरमा अडकिएको र शव निकालेर पोष्टमार्टमका लागि गजुरी पठाउने तयारी भइरहेको प्रहरीले जनाएको छ ।