धादिङ, फागुन १५ :
धादिङकाे गल्छी गाउँपालिका- ३ गुप्तेश्वरीमा पानीको ट्याङ्कर दुर्घटनाका मृतक दुई जनाको पहिचान खुलेको छ ।
जिल्ला प्रहरी कार्यालयका अनुसार दुर्घटनामा गजुरी गाउँपालिका- ६ का १८ वर्षीय प्रशान्त चेपाङ र २० वर्षीय जयराम चेपाङको मृत्यु भएको हो । गजुरी गाउँपालिका- ६ का १९ वर्षीय शिरिष चेपाङ र १७ वर्षीय सुरेश चेपाङलाई थप उपचारका लागि काठमाडौँ पठाइएको छ ।
आदमघाटबाट गुप्तेश्वर मन्दिरमा पानी लिएर गएको बागमती प्रदेश ०१- ००४ क ३३५२ नम्बरको ट्याङ्कर पछाडि फर्काउने क्रममा दुर्घटना भएको हो ।
ट्याङ्करमा मृतकसहित चार जना सवार थिए । ट्याक्टर चालक गजुरी गाउँपालिका- ६ का २३ वर्षीय दिनेश चेपाङलाई प्रहरीले नियन्त्रणमा लिएको छ ।
