ग्लोबल टेक्नोलोजी लिडर साओमीले बहुप्रतीक्षित म्युजिकल इभेन्ट ‘सुशान्त केसी लाइभ इन नेपाल कन्सर्ट’ को टाइटल स्पोन्सर बन्ने घोषणा गरेको छ ।
यही चैत २५ गते शनिबार भक्तपुरको सल्लाघारी ग्राउन्डमा आयोजना हुने विशेष कन्सर्टमा साओमीको सहभागिताले म्युजिक लभर्सहरूलाई थप उत्साहित बनाएको छ ।
त्यसैगरी साओमी नेपालले हालै लोकप्रिय गायक सुशान्त केसी र चर्चित अभिनेत्री आना शर्मालाई आफ्नो आधिकारिक ब्रान्ड एम्बेसडरका रूपमा प्रस्तुत गरेको थियो । साओमीको इनोभेसन, सिर्जनशीलता र समुदायसँग नजिक हुने चाहनालाई प्राथमिकता दिदैँ कम्पनीले यो भव्य संगीत उत्सवलाई समर्थन गरेको बताएको छ ।
संगीत र प्रविधिलाई जोड्ने साझा विचारसहित बनेको साओमी र सुशान्त केसीको यो सहकार्य नेपाली दर्शकसँग अझ नजिकिन महत्त्वपूर्ण कदम साबित हुने विश्वास गरिएको छ । यस कन्सर्टले दर्शकहरूलाई अविस्मरणीय अनुभव दिनेछ जहाँ प्रत्यक्ष प्रस्तुतिहरू र साओमीका नयाँ प्रविधिहरू एकैसाथ झल्किनेछन् ।
साओमीले सबै संगितप्रेमीहरूलाई ‘सुशान्त केसी लाइभ इन नेपाल कन्सर्ट’ मा सहभागी भई यो अद्भुत सहकार्यलाई समर्थन गर्न आमन्त्रण गर्छ । आगामी दिनमा साओमी नेपालले अझ रोमाञ्चक अनुभवहरू र प्रविधि-सम्बन्धित कार्यक्रमहरू ल्याउने प्रतिबद्धता जनाएको छ ।
