खानी तथा भूगर्भ विभागको टोलीले टीकाथलीमा बोरिङ खन्दा निस्किएको ग्यासबारे अध्ययन गर्न पुगेको छ। खानी तथा भूगर्भ विभागकी उपमहानिर्देशक मोनिका झाले ग्यास निस्किँदैमा आगो लाग्दैन तर त्यहाँ कसरी आगो लाग्यो भन्नेबारेमा अध्ययन हुने बताइन्। फेरि ग्यास निस्किन्छ या सकियो भन्ने बारेमा टोलीले अध्ययन गर्ने बताइन्।
आज (मंगलबार) बिहान बोरिङको लागि पाइप गाड्दा ग्यास निस्किएर आगो लागेको थियो। करिब तीनसय मिटर खनिसकेपछि बिहान साढे ९ बजेतिर उक्त ग्यासमा आगो निस्केको थियो। अहिले आगो नियन्त्रणमा लिइसकिएको छ। स्थानीय बासिन्दा र सुरक्षाकर्मीको टोलीले करिब १२ बजेतिर नियन्त्रणमा लिएको हो । स्थानीयले हिलो र पानी छ्यापेर आगो निभाउने प्रयास गरिरहँदा फायर स्टेङ विसरको सहयोगमा निभाइएको हो ।
४० वर्ष वर्षअघिकै अध्ययनले पनि काठमाडौँ उपत्यकाको जमिनमूनि ग्यासहरू छन् भन्ने देखाइसकेको छ । तर यसलाई कसरी सदुपयोग गर्ने बारेमा भने कुनै योजना बनिसकेको छैन ।
