मेष : नयाँ कार्यको योजना बन्ने र नयाँ ज्ञान सिक्ने मौका मिल्नेछ । अधुरा काम फत्ते हुनेछन् ।
वृष : आफ्नै दक्षताले रोकिएका काम सम्पन्न हुनेछन् । वैदेशिक यात्रा अघि बढ्नेछ ।
मिथुन : अभिभावकले सल्लाह दिँदा नयाँ काम गर्ने जाँगर चल्नेछ । यात्रामा भने सावधानी अपनाउनु पर्नेछ ।
कर्कट : आस मारिसकेको काम बन्नेछ । मनमा उत्साहका साथै बोली बिक्ने समय छ ।
सिंह : सामाजिक र कूटनीतिक क्षेत्रमा सफलता मिल्नेछ। कतै घुम्न जाने योजना बन्न सक्छ ।
कन्या : मन शान्त रहनेछ । टाढा रहेका साथीभाइहरूसँग अकस्मात् भेटघाट हुनेछ ।
तुला : बहुप्रतीक्षित काममा सफलता हात पर्नेछ । विश्वासपात्रसँग कुरा खोल्दा एकपटक सोच्नुहोला ।
वृश्चिक : रोकिएका काम सम्पादन हुने र नयाँ काम पाइनेछ । स्वादिष्ट भोजनको अवसर मिल्ला ।
धनु : धर्मकर्म र समाजसेवामा मन लाग्नेछ । धैर्य एवं लगनशीलताले अवसर प्राप्त हुनेछ ।
मकर : सहकार्यमा गरेको व्यापार व्यवसायबाट लाभ मिल्नेछ । सांस्कृतिक क्षेत्रमा रुचि बढ्नेछ ।
कुम्भ : अर्काको सल्लाह मान्दा झन्झटिलो काममा संलग्न हुनुपर्ला । दिउँसोपख रमणीय यात्राको योग छ ।
मीन : परोपकारजन्य कार्यमा सहभागी भइनेछ । साथीभाइको भेटघाटले मन प्रफुल्ल रहला ।
