लमजुङ, चैत ५ :
लमजुङको मातृभूमि र भक्ति आदर्श क्याम्पसमा नेविसंघ विजयी भएको छ । मंगलबार भएको निर्वाचनमा सुन्दरबजार नगरपालिका–९ भोटेओडारस्थित भक्ति आदर्श बहुमुखी क्याम्पस र सुन्दरबजारस्थित मातृभूमि बहुमुखी क्याम्पसमा नेविसंघको प्यानलै विजयी भएको हो । नेविसंघका उम्मेदवार सुशील अधिकारी ४९ मतका साथ सभापतिमा निर्वाचित भए ।
यस्तै मातृभूमि क्याम्पसमा भएको निर्वाचनमा नेविसंघका विशाल थापा ५५ मतका साथ विजयी भए । मध्यनेपाल नगरपालिका-३, सोतीपसलस्थित मंगला क्याम्पसमा नेविसंघका प्यानलै सर्वसम्मत भइसकेका छन् । प्रमुख जिल्ला अधिकारी बुद्धबहादुर गुरुङले लमजुङका ४ वटा क्याम्पसमा शान्तपूर्ण ढंगबाट मतदान सकिएको बताए ।
