प्रमुख प्रशासकीय अधिकृत सरोज गुरागाईंलाई रोक्ने काठमाडौं महानगरपालिकाका मेयर बालेन्द्र शाह (बालेन) को प्रयास असफल भएको छ ।
उपमेयर सुनिता डंगोल, वडाध्यक्षहरू तथा कर्मचारीहरूको सहयोग पाएपछि गुरागाईं कार्यालय प्रवेश गरेका छन् । गुरागाईंलाई रोक्न बालेनले महानगर प्रहरी परिचालन गरेका थिए ।
प्रमुख प्रशासकीय अधिकृत : काठमाडौं महानगरमा भाँडभैलो, मेयर-उपमेयरबीच समन्वयको संकट
कार्यालय प्रवेश गरेसँगै गुरागाईंले हाजिर पनि गरेका छन् । चाबी दिइएपछि गुरागाईं आफ्नो कार्यकक्षमा प्रवेश गरेका हुन् । साँचो नपाएपछि कर्मचारीहरूले ताला फुटाएरै उनलाई हाजिर गराउन खोजेका थिए ।
गुरागाईं महानगरपालिका प्रवेश गरेसँगै उपमेयर सुनिता डंगोलसहित वडाध्यक्षहरू सम्मिलित अनौपचारिक बैठक बसिरहेको छ । काठमाडौं महानगरपालिकामा प्रमुख कार्यकारी अधिकृत नहुँदा कर्चारी तथा जनप्रतिनिधिहरूको तलब तीन महिनादेखि रोकिएको छ ।
यो पनि…
नगर प्रहरीलाई ठेलेरै कार्यालय पुगे प्रमुख प्रशासकीय अधिकृत गुरागाईं
