उज्यालो नेपाल पार्टीले मंसिर १७ गते कुलमान घिसिङको उपस्थितिमा काठमाडौंमा घोषणासभा गर्ने जनाएको छ । शुक्रबार काठमाडौंमा पत्रकार सम्मेलन गर्दै सो पार्टीले पार्टीको नीति, उदेश्य र आगामी कार्यदिशा सार्वजनिक गर्न कुलमान घिसिङको उपस्थितिमा घोषणासभा गर्ने जनाएको हो ।
पार्टी घोषणासभामा उज्यालो नेपाल पार्टीको दीर्घकालीन दृष्टि, मूल उद्देश्य र विस्तृत घोषणापत्र–२०८२, औपचारिक रुपमा सार्वजनिक गरिने उज्यालो नेपाल पार्टीका प्रवक्ता राजु थापाले जानकारी दिए । पार्टीको मूल नारा उज्यालो भविष्यका लागि, उज्यालो नेपाल भन्ने रहेको उनले बताए ।
प्रवक्ता थापाले जेनजी आन्दोलनको मर्म अनुसार मुलुकलाई अघि बढाउन पार्टीले आफ्नो भूमिका केन्द्रीत गर्ने जिकिर गरे । उनले मुलुकमा भएका बिभिन्न क्रान्तिबाट प्राप्त उपलब्धिहरु स्पष्ट दृष्टिकोण र नेतृत्वको अभावका कारण संस्थागत हुन नसकेको धारणा राखे ।
शेयर:
Facebook
Twitter
WhatsApp
