काठमाडौं, पुस १ :
हर्कराज साम्पाङ नेतृत्वको श्रम, संस्कृति पार्टीका उपाध्यक्ष राजकुमार तामाङ लामा (देवराज) पक्राउ परेका छन् । सीआईबीले उनलाई काठमाडौँको कपनबाट पक्राउ गरेको हो ।
लामा विस्फोटक पदार्थसम्बन्धी मुद्दामा फरार अभियुक्त हुन् । गत २०८१ भदौ १४ गते भएको बम विस्फोटमा एक बालिकाको मृत्यु भएको घटनामा उनीविरुद्ध मुद्दा दायर भएको थियो । लामालाई पाँचथर पठाइएको नेपाल प्रहरीको केन्द्रीय अनुसन्धान ब्युरो (सीआईबी)का एआईजी मनोज केसीले जानकारी दिए ।
उनी १५ फागुन २०६८ मा बबरमहलस्थित नेपाल आयल निगमको गेटमा बम विस्फोट गराएको मुद्दामा पहिले पक्राउ परेका थिए । २०७६ सालमा प्रजातन्त्र दिवसको अवसरमा उनी छुटेका थिए ।
