धादिङ, असोज १३ :
निरन्तरको बर्षाले देशका ठूला नदीहरु बढेर डरलाग्दो भएको छ ।
त्रिशुली नदीमा पानीको बहाब यतिखेर निकै बढेको छ।
पानी सतह भन्दा निकै माथि आएपछि स्थानीय त्रसित भएका छन ।
त्रिशुलीको माथि रहेका मलेखु र गजुरी लगायतका बजारमा पनि बाढीको त्रास उत्तीकै छ ।
मलेखुमा चारैतिर बाढीले घेरेपछि मानिसहरु बस्ती छाडेर अन्यत्र लागेका छन ।
पानीले गर्दा उनीहरु सुरक्षित स्थानमा पुग्न सकेका छैनन । पहिरोको जोखिम पनि राजमार्गमा उत्तीकै छ ।
त्रिशुलीको बहाब माथि उक्लने डर उनीहरुमा छ ।
त्रिशुली माथिका कतिपय झोलुङ्गे पुल बगाएको छ भने पक्की पुल पनि बगाउने अवस्थामा पुगेको छ ।
