काठमाण्डौं, मंसिर ७ :
अमेरिकाले भारतीय अर्बपति गौतम अडानीमाथि ठेक्का अनुबन्धका लागि घुस दिने योजना बनाएको भन्दै ठगीको आरोप लगाएको छ ।
उनले अमेरिकामा ठेक्का अनुबन्धका लागि २५० मिलियन डलर घुस दिने योजना बनाएको र त्यसलाई लुकाउने प्रयत्न गरेको आरोप लागेको बीबीसीले उल्लेख गरेको छ ।
हिजो अमेरिकाको न्युयोर्कमा एक आरोप पत्र दायर गरिएको हो । ६२ वर्षीय अडानीमाथि आफ्नो नविकरणीय ऊर्जा कम्पनीको ठेक्का अनुबन्धका लागि भारतीय अधिकारीहरुलाई रकम दिने बताएको बीबीसीले उल्लेख गरेको छ ।
सो ठेक्का योजनामा उनलाई २० वर्षमा २ बिलियन डलरभन्दा बढी मुनाफा हुने अनुमान गरिएको थियो ।
अडानी समूहले ठगी गरिरहेको रिपोर्ट यसअघि प्रकाशित भएको थियो । तर यसको अडानीले खण्डन गरेका थिए ।
