तेस्रो संस्करणको 'केपी ओली कप' फागुन ११ गतेदेखि

तेस्रो संस्करणको 'केपी ओली कप २०८१' आगामी फागुन ११ गतेबाट सुरु हुने भएको छ ।

राष्ट्रिय युवा संघ नेपालको आयोजनामा हुन लागेको यस प्रतियोगितामा  'ए' डिभिजनका तथा विदेशीहरु गरी १० वटा टिमको सहभागिता रहने जनाइएको छ । 

प्रतियोगिताका क्वाटर फाईनलसम्मका खेलहरु एन्फा कम्प्लेक्स सातदोवाटोमा हुने छन् भने फाइनल खेल दशरथ रंगशालामा हुने जनाइएको छ ।

प्रतियोगिताको प्रथम हुनेलाई  १५ लाख ११ हजार एक सय ११ रुपैयाँ, द्वितीय हुनेलाई ५ लाख नगर, ट्रफी, प्रमाणपत्र, मेडल तथा अन्य पुरस्कार प्रदान गरिने छ ।

 त्यस्तै उत्कृष्ट खेलाडीलाई १ लाख ५० हजार, उत्कृष्ट उदीयमान खेलाडीलाई  ५० हजार, म्यानअफ द म्याचलाई १५ हजार नगदको साथै ट्रफी, प्रमाणपत्र, मेडल तथा अन्य पुरस्कारहरु प्रदान गरिने भएको छ । त्यस्तै हरेक खेल विजेता टीमलाई  २५ हजार नगद प्रदान गरिने आयोजक संघका अध्यक्ष क्षितिज थेबेले बुधबार पत्रकार सम्मेलन गरी जानकारी गराए ।

राष्ट्रिय युवा संघ, नेपालका संस्थापक अध्यक्ष ओलीको नामबाट स्थापित 'केपी ओली कप' फुटबल प्रतियोगिता २०७९ सालबाट सुरु भएको हो ।