तनहुँको घाँसीकुवामा पहिरो पन्छाइँदै

काठमाडौँ भित्रिने मुख्य नाका मानिएको नागढुङ्गाबाट एकतर्फी सवारी साधन चल्न थालेका छन् ।

अविरल वर्षासँगै खसेको पहिरोको कारण हिजो त्रिभुवन राजपथको नौविसे- नागढुङ्गा सडक खण्ड अवरुद्ध बनेको थियो ।

ठूलो पहिरो झरेकाले पन्छाउन समय लागेको र झण्डै ६ घण्टापछि एकतर्फी रुपमा सवारी साधन सञ्चालनमा आएको नागढुङ्गा  ट्राफिक प्रहरीले जनाएको छ। 

तनहुँको घाँसीकुवामा पनि पहिरो खसेपछि राजमार्ग अवरुद्ध बनेको छ।

हिजोदेखि खसेको पहिरो हटाउन नसक्दा पोखरा भित्रिने र बाहिरिने सवारी साधन तनहुँमै रोकिएको तनहुँ प्रहरीले जनाएको छ ।