भारत, चैत १३ :
बिहारको आरा रेलवे स्टेसनमा गोली हानी तीन जनाको हत्या गरिएको छ ।
समाचार एजेन्सी पीटीआईका अनुसार रेलवे सुरक्षा बलका वरिष्ठ कमान्डेन्ट प्रकाश पान्डाले घटना मङ्गलबार राति प्लेटफर्म नम्बर दुईमा भएको बताएका छन् । तीन जनाको शव निकालिएको छ। यो घटना प्रेम सम्बन्धसँग सम्बन्धित हुन सक्ने सम्भावना रहेको पाण्डाले बताएका छन् ।
घटनाका अभियुक्त भोजपुरका २४ वर्षका अमन कुमार रहेको जनाइएको छ ।
आरोपी अमनले जिया कुमारी र उनका बुबा अनिल सिन्हालाई गोली हानेर हत्या गरेको र त्यसपछि उनले आफैलाई पनि गोली हानेको बताइएको छ ।
हत्यामा प्रयोग गरिएको हतियार जफत गरिएको र यस विषयमा थप अनुसन्धान गरिरहेको पाण्डाले बताएका छन् ।
.jpg)
