हेटौंडा, वैशाख २१ :
सम्पत्ति शुद्धीकरण विभागले बागमती प्रदेशका मुख्यमन्त्री इन्द्रबहादुर बानियाँको घर र कार्यालयमा छापा मारेको छ।
अवैध सम्पत्ति लुकाएको आशंकामा हेटौंडाको सानोपोखरामा रहेको बानियाँको निर्माण सेवा र घरमा विभागले छापा मारेर कागजपत्र लिएर गएको छ ।
उनको काठमाडौंस्थित नक्साल र सुन्धारामा पनि विभागले छापा मारेको छ ।नेपाली कांग्रेस बागमती प्रदेश सभापति समेत रहेका बानियाँको विभिन्न व्यवसायीक कम्पनीहरूमा लगानी रहेको दाबी गरिएको छ ।
