काठमाडौं, वैशाख २२ :
आईसीसी विश्वकप लिग २ अन्तर्गत आज नेपालले ओमानसँग प्रतिस्पर्धा गर्दैछ ।
किर्तिपुर क्रिकेट रंगशालामा नेपालका कप्तान कप्तान रोहित पौडेलले टस जितेर पहिले ब्याटिङ गर्ने निर्णय लिएका हुन् ।
नेपालले ओपनिङमा अर्जुन कुमाल र विनोद भण्डारीलाई नै उतारेको छ। बसिर अहमद, भीम सार्की, कुशल भुर्तेल र सोमपाली कामी बेन्चमा रहँदा आसिफ शेख र ललित राजवंशीलाई उतारिएको छ।
