स्कटल्यान्डले हैटीलाई १–० ले पराजित गर्‍यो

स्कटल्याण्डका कप्तान जोन म्याकगिनको गोलमा स्कटल्यान्डले  समूह ‘सी’ को खेलमा हैटीलाई १–० ले पराजित गरेको छ।

खेलको २८औँ मिनेटमा म्याकगिनले प्रहार गरेको बल विपक्षी डिफेन्डरमा लागेर गोलकिपर जोनी प्लासिडेलाई झुक्याउँदै जाली चुमेको थियो।

सन् १९९८ पछि पहिलो पटक विश्वकपमा सहभागी भएको स्कटल्यान्डले सन् १९९० मा स्विडेनलाई २–१ ले हराएयता पहिलो विश्वकप जित हात पारेको हो।

यसअघि दिनको अर्को खेलमा ब्राजिल र मोरक्कोबीच  १–१ को बराबरी भएपछि स्कटल्यान्ड समूहको शीर्ष स्थानमा पुगेको छ।

सन् १९७४ मा वेष्ट जर्मनीमा भएको विश्वकपपछि दोस्रो पटक प्रतियोगितामा सहभागी भएको हैटी भने अझै आफ्नो पहिलो विश्वकप अंकको खोजीमा छ।

म्याकगिनको निर्णायक गोल चे आडम्सको प्रहार गोलकिपर प्लासिडेले बचाएपछि रिबाउन्ड भएको बलबाट आएको थियो। खुला स्थानमा पुगेको बललाई म्याकगिनले करिब १३ यार्ड टाढाबाट प्रहार गरेका थिए, जुन डिफेन्डरमा लागेर गोलमा परिणत भयो।

खेल हेर्न स्कटल्यान्डका प्रसिद्ध समर्थक समूह  टार्टन आर्मी ठूलो संख्यामा उपस्थित थिए। उनीहरूले गिलेटी स्टेडियममा रातो रंगको लहर सिर्जना गर्दै टोलीलाई उत्साहजनक समर्थन दिएका थिए।

यसअघि दिनको अर्को खेलमा ब्राजिल र मोरक्कोबीच  १–१ को बराबरी भएपछि स्कटल्यान्ड समूहको शीर्ष स्थानमा पुगेको छ।