डीआईजी किरण राणा एआईजीमा बढुवा, ११ दिनपछि अवकाशमा जाँदै

नेपाल प्रहरीको जनपद समुहतर्फ डीआईजी किरण राणालाई एआईजी (अतिरिक्त महानिरीक्षक) मा बढुवा सिफारिस गरिएको छ ।

हिजो साँझ बढुवा समितिको बैठकले त्रिभुवन अन्तर्राष्ट्रिय विमानस्थल सुरक्षा कार्यालयमा कार्यरत राणालाई एआईजीमा बढुवा सिफारिस गरेको हो ।

केन्द्रीय अनुसन्धान ब्युरोमा दरबन्दी भएर विमानस्थलको सुरक्षा प्रमुखमा कार्यरत राणा आईजीपी वसन्त कुँवरसँगै २०५१ चैत ५ मा प्रहरीमा प्रवेश गर्नुभएको थियो। 

तर उहाँ एआईजीको पदमा रहेर ११ दिनपछि ५६ वर्षे उमेर हदका कारण कार्तिक १५ मा अवकाशमा जाँदै हुनुहुन्छ । 

प्रहरी नियमावली- २०७१ अनुसार डीआईजी तथा एआईजीहरू ५६ वर्ष उमेर पुरा भएमा अवकाशमा जाने व्यवस्था रहेको छ ।