धनुषा, मंसिर ६ :
मधेश प्रदेशका नवनियुक्त मुख्यमन्त्री एवं जसपा नेपालका मधेश प्रदेश संसदीय दलका नेता सरोजकुमार यादवले आज पद तथा गोपनीयताको शपथ लिने भएका छन् ।
प्रदेश प्रमुख डा. सुरेन्द्रलाभ कर्णले बिहान ९ बजे यादवलाई शपथ गराउने कार्यक्रम तय भएको छ ।
यादवले दोस्रो पटक मधेश प्रदेश सरकारको नेतृत्व सम्हाल्न लागेका हुन् ।
संविधानको धारा १६८(३) अनुसार मुख्यमन्त्री नियुक्त भएका यादवले यसअघि सात दिनभित्र प्रदेशसभाबाट विश्वासको मत लिने बताएका छन् ।