नेपाली कांग्रेसका सभापति गगनकुमार थापा आज बेत्रावती पुगेर भोटेकोशी बाढी विस्थापितसँग भेट गरेका छन् । विस्थापितका समस्या सुनेपछि सभापति थापाले पुनर्स्थापनाका लागि सरकारलाई सहयोग गर्ने र आवश्यक ठाउँमा घचघच्याउने बताए । बाढीपीडितहरुको पुनःस्थापना र पुनर्निमार्णको काम जुन ढंगबाट अघि बढ्नु पर्ने थियो त्यही अहिलेसम्म नभएको सभापति थापाले बताए ।
सभापति थापाले स्थलगत अध्ययनपछि आफूले उच्चस्तरीय संयन्त्रमा पनि यो विषय राख्ने बताए बाढी विस्थापितका सम्बन्धमा सरकारले गरिरहेको दाबी र स्थलगत वास्तविकता फरक रहेको सभापति थापाको भनाइ छ ।
राष्ट्रिय योजना आयोगका पूर्वउपाध्यक्ष गोविन्द पोखरेल, विपत्तिपछिको पुनर्स्थापनामा काम गरेका विज्ञहरूको समूह पनि थापासँगै नुवाकोट र रसुवाको बाढीबाट विस्थापित बसिरहेको ठाउँमा पुगेका छन् । त्यसो त कांग्रेस सभापति थापा बाढी लगत्तै पनि पीडितको अवस्था बुझ्न प्रभावित क्षेत्र पुगेका थिए ।
गत भदौ १० गरे आएको विनाशकारी बाढीले ठुलो जनधनको क्षति पुर्याएको थियो । अझसम्म पनि कतिपय मृतकका परिवारले शव प्राप्त गर्न सकेका छैनन् । बेपत्ता भएकाहरुको परिवारले फर्कने मारिसकेका छन् । धेरैले कुशको शव बनाएर अन्त्येष्टि समेत गरिसकेका छन् ।