काठमाडौं, माघ ५ :
नेकपा एकीकृत समाजवादीको भ्रातृ संगठन समाजवादी प्रेस संगठन नेपालका अध्यक्ष विश्वमणि सुवेदीसहितको टिम नै नेकपा एमाले निकटको प्रेस चौतारी नेपालमा प्रवेश गरेको छ।
एमाले महासचिव शंकर पोखरेल, प्रचार विभाग प्रमुख राजेन्द्र गौतम र चौतारीका अध्यक्ष गणेश बस्नेतले सुवेदीसहितको टीमलाई स्वागतसहित चौतारीमा प्रवेश गराएर हुन् ।
चौतारीमा प्रवेश गर्नेमा सुवेदीसँगै संगठनका उपाध्यक्ष सविन शर्मा, महासचिव रामकुमार एलन, सचिव नेपोलियन चेपाङ, कोषाध्यक्ष कृपा भण्डारी, केन्द्रीय सदस्यहरू आशिष गुरागाईं, सौगात मिश्र, नरेन्द्र विष्ट रहेका छन् ।
माधवकुमार नेपाल नेतृत्व गरेको पार्टीको भ्रातृ संगठनका रुपमा रहेको समाजवादी प्रेस संगठनको २०८० जेठमा सम्पन्न महाधिवेशनबाट सुवेदी अध्यक्षमा निर्वाचित भएका थिए ।
