केबलकार विवादबारे गृहमन्त्रीले गरे कोशी प्रदेशका कांग्रेस सभापतिसँग छलफल

गृहमन्त्री रमेश लेखकले पाथीभरा क्षेत्रमा निर्माण हुने केबलकार विवादबारे कोशी प्रदेशका कांग्रेस सभापतिसँग छलफल गरेका छन् ।

विवादको दिगो समाधानका लागि गृहमन्त्री लेखकले  मंगलबार आफू सम्बद्ध पार्टी नेपाली कांग्रेसका कोशी प्रदेशका जिल्ला सभापतिसँग छलफल गरेका हुन् ।

 दिगो समाधानका लागि गृहमन्त्रीले आफूहरुसँग राय मागेको छलफलमा सहभागी ताप्लेजुङ कांग्रेसका उपसभापति डिल्लीरमण बरालले जानकारी दिए ।

सहभागी जिल्ला सभापति तथा प्रतिनिधिले संवादमार्फत विवाद टुंग्याउन सुझाव दिएका छन् । असन्तुष्ट पक्षलाई पनि सहमतिमा ल्याएर बनाउनु पर्छ भन्ने धेरैजनाको धारणा रहेको बरालले बताए ।