काठमाण्डौँ , कात्तिक ११ :

देशभर पश्चिमी वायुका साथै बङ्गालको खाडीमा विकसित चक्रवात “दाना” को आंशिक प्रभाव समेत रहेको छ ।

हाल कोशी प्रदेशमा आंशिक देखी साधारणतया बदली र बाँकी प्रदेशमा आंशिक  बदली रहेको छ ।

आज दिउँसो कोशी प्रदेश लगायत देशका पहाडी भू- भागमा आंशिक देखी साधारणतया बदली र बाँकी भू- भागमा आंशिक बदली देखी देखि मौसम मुख्यतया सफा रहने छ ।

देशका पहाडी भू- भागका एक- दुई स्थानमा मेघ गर्जन र चट्याङ्ग सहित हल्का वर्षाको सम्भावना रहेको मौसम पूर्वानुमान महाशाखाले जनाएको छ । 

राती कोशी प्रदेश लगायत देशका  पहाडी भू- भागमा आंशिक बदली रही बाँकी भू- भागमा आंशिक बदली देखि मौसम मुख्यतया सफा रहने छ ।

कोशी प्रदेशका पहाडी भू- भागका  एक- दुई स्थानमा मेघ गर्जन र चट्याङ्ग सहित हल्का वर्षाको सम्भावना रहेको पनि महाशाखाको बुलेटिनमा उल्लेख छ ।