अमेरिकाको लस एन्जलसमा लागेको जंगलको डढेलोमा हालसम्म पाँच जनाको मृत्यु भइसकेको छ । लस एन्जलस सेरिफको कार्यालयले यसको पुष्टि गरेको छ ।
कार्यालयका अनुसार जंगलको डढेलोमा परी अन्य तीनजनाको मृत्यु भएको छ । यसअघि नै अधिकारीहरूले दुई जनाको मृत्युको पुष्टि गरेका थिए ।
दुवै मृत्यु अल्टाडेना क्षेत्रमा रहेको इटन आगलागीका कारण भएको थियो ।
लस एन्जलस काउन्टी अग्नि नियन्त्रक प्रमुख एन्थोनी म्यारोनका अनुसार इटनको आगो अहिले १० हजार ६०० एकडसम्म बढेको छ । यो अझै नियन्त्रणमा आएको छैन ।
उनले भने, ‘दुर्भाग्यवश पाँच नागरिकको मृत्यु भएको छ । केही घाइते भएका छन् । अहिलेसम्म एक हजारभन्दा बढी घर र भवनहरू क्षतिग्रस्त भएका छन् वा पूर्ण रूपमा ध्वस्त भएका छन् ।’
एन्थोनी म्यारोनले भने कि एरिजोनासहित क्यालिफोर्निया बाहिरका अधिकारीहरू अग्नि नियन्त्रकहरूलाई सहयोग गर्न आएका छन् ।
लस एन्जलसको जंगलमा लागेको डढेलो निरन्तर फैलिरहेको छ । डढेलो फैलिने खतरालाई ध्यानमा राख्दै यहाँ आपतकालीन अवस्था घोषणा गरिएको छ । सर्वसाधारणलाई सतर्क रहन चेतावनी पनि दिइएको छ । -बीबीसी
लस एन्जलसको जंगलमा लागेको डढेलो अझै बढ्दै गएको छ ।
हवाईजहाजको सहयोगमा पानी छर्केर आगो नियन्त्रणको प्रयास गरिँदै ।
यो पनि…
तीनतिरको डढेलोले उग्र रुप लियो (तस्बिरसहित)
तस्बिरमा अमेरिकाको लस एन्जलसमा लागेको डढेलो
अमेरिकाको लस एन्जलसमा भीषण वन डढेलो, आपतकालीन अवस्थाको घोषणा
