काठमाडौं, असार ५ :
प्रतिनिधिसभामा विपक्षी दल रास्वपा र राप्रपाको अवरोध अन्त्यका लागि सभामुखले सक्रियता जनाएका छन् । यसका लागि उनले आज बस्ने प्रतिनिधिसभा बैठक अगाडि पाँच दलका प्रमुख सचेतकसँग छलफल गरिरहेका छन् ।
बानेश्वरस्थित कार्यकक्षमा सभामुख घिमिरे, मुख्य दलका प्रमुख सचेतक र सचेतकहरुबीच छलफल चलिरहेको छ ।
छलफलमा नेकपा एमालेका प्रमुख सचेतक महेश बर्तौला, नेपाली कांग्रेसकी सचेतक सुशीला थिङ, माओवादी केन्द्रका प्रमुख सचेतक हितराज पाण्डे, रास्वपाका प्रमुख सचेतक सन्तोष परियार, राप्रपाका प्रमुख सचेतक ज्ञानबहादुर शाही र कानुनमन्त्री अजयकुमार चौरसिया सहभागी छन् ।
भिजिट भिसा प्रकरणमा गृहमन्त्री रमेश लेखकले राजीनामा दिनुपर्ने माग गर्दै रास्वपा र राप्रपाले संसद् बैठक अवरुद्ध गर्दै आएका छन् ।
