काठमाडौं, असोज २६ :
राष्ट्रपति रामचन्द्र पौडेल स्वास्थ्य सुधारसँगै अस्पतालबाट डिस्चार्ज भएका छन्। शनिबार अचानक स्वास्थ्यमा समस्या देखिएपछि उनलाई महाराजगञ्जस्थित मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा भर्ना गरिएको थियो।
राष्ट्रपति पौडेलको स्वास्थ्य स्थिर रहेको चिकित्सकहरूले जनाएका छन्। चिकित्सकीय परीक्षण र निगरानीपछि उनलाई डिस्चार्ज गरिएको हो।
स्वास्थ्य समस्या देखिएपछि शनिबार बिहान तय भएको जेनजी युवा प्रतिनिधिसँगको छलफल कार्यक्रम स्थगित गरिएको थियो। अब उक्त छलफल सोमबारका लागि सारिएको छ। राष्ट्रपति पौडेल पछिल्ला केही महिनादेखि स्वास्थ्य समस्याका कारण बेलाबेला अस्पताल भर्ना हुँदै आएका छन्।
