काठमाडौं, चैत ८ :
राष्ट्रिय प्रजातन्त्र पार्टी र श्रम संस्कृति पार्टीले संघीय संसद्का प्रमुख सचेतकको सुविधा नपाउने भएका छन्। संघीय संसद्का ऐन २०७३ अनुसार १० जना भन्दा कम सदस्य भएको दलले प्रमुख सचेतकको सुविधा पाउँदैनन्।
६ वटा राष्ट्रिय पार्टीमध्ये श्रम संस्कृति पार्टीका ७ र राप्रपाका ५ मात्र सांसद छन्। दलको प्रमुख सचेतकका लागि छुट्टै कार्यालयको सुविधा हुन्छ । प्रमुख सचेतकले सवारी सुविधान र दुई जना सवारीचालक प्राप्त गर्दछन् भने अतिथि सत्कार खर्च बापत्त मासिक १५ हजार पाउँछन् । राष्ट्रिय दलको मान्यता पाइसकेपछि सेवा सुविधामा विभेद गर्न नहुने साना दलका नेताहरु बताउँछन् ।
हाल प्रतिनिधिसभामा राष्ट्रिय स्वतन्त्र पार्टी (रास्वपा)का १८२, कांग्रेसका ३८, एमालेका २५ र नेकपाका १७ जना सांसद रहेका छन् ।
