प्रधानमन्त्री केपी शर्मा ओलीले नागरिकलाई सेवा सुविधामा सहज गराउन सरकारले अध्यादेश ल्याएको दाबी गरेका छन् । प्रतिनिधिसभाको आइतबारको बैठकमा माओवादी सांसद वर्षमान पुनले सोधेको प्रश्नको जवाफ दिने क्रममा प्रधानमन्त्री ओलीले यस्तो बताएका हुन् ।
सांसद वर्षमान पुनले अध्यादेशलाई ल्याएर संसद्लाई किन होच्याएको ? भनि गरेको प्रश्नको जवाफ दिँदै प्रधानमन्त्री ओलीले २०८० वैशाख २० गते सम्झन समेत आग्रह गरे ।आवश्यक पर्दा सरकारले अध्यादेश ल्याउने कुरा संविधानले नै व्यवस्था गरेको उनले उल्लेख गरे ।
२०८० वैशाख २० गते संसद् सुरु हुनुभन्दा ४ दिन अघि अध्यादेश ल्याएको स्मरण गराउँदै अध्यादेश ल्याउने अधिकार उहाँ सम्मिलित सरकारलाई मात्रै थियो भन्ने हो भने बेग्लै कुरा हो भनि व्यङ्ग्य गरे।
प्रधानमन्त्री ओलीले कसैको पार्टी फुटाउने र जोड्ने आफ्नो काम नभएको बताउँदै कसैको पार्टी फुटाउने धेयले नल्याएका स्पष्ट पारे । राम्रा हुँदा हुँदै पनि अध्ययादेशको प्रतिपक्षीले किन विरोध गरेको भन्दै ओलीले प्रतिप्रश्न गरे ।
ओलीले भने, ‘त्यसबेला मेरै पार्टी फुटाउन २० वा २० प्रतिशत भनेर अध्यादेश जारी गरिएको होइन र ?,’त्यसरी त यसमा किटान गरेका छैनौं ।’
प्रधानमन्त्री ओलीले नेकपा पुनलाई अर्थतन्त्रको चिन्ता लिनुअघि आफू अर्थमन्त्री हुँदा केके अवस्था थियो भनेर स्मरण गर्न पनि आग्रह गरे ।पुनको प्रश्नको जवाफमा ओलीले सातमहिना अघि आफैँ प्रधानमन्त्री हुँदाको अवस्था हेर्न आग्रह गरे।देशको अर्थतन्त्र झन कमजोर भएको र सरकार अध्यादेशमै रमाइरहेको भन्दै पुनले प्रधानमन्त्रीसँग जवाफ माग गरेका थिए।
