काठमाडाैं, चैत १५ :
राजावादी समूहले तीनकुने क्षेत्रमा गरेको विरोध प्रदर्शनका क्रममा प्रहरीमाथि ढुंगामुढा गर्नुका साथै लुटपाट मच्चाएका छन्। कोटेश्वर क्षेत्रमा आगजनी भएपछि तितरबितर भएका प्रदर्शनकारीमध्ये केहीले भाटभटेनी सुपरमार्केटमा तोडफोड गर्दै लुटपाट गरेका छन्।
सामाजिक सञ्जालमा सार्वजनिक भएका भिडियोहरूमा प्रदर्शनकारीहरू भाटभटेनी सुपरमार्केट परिसरमा राखिएका फलफूल, पेय पदार्थ, र अन्य सामान लुटिरहेको देखिन्छ।
शुक्रबार पूर्वराजा समर्थक समूहले तीनकुनेमा विरोध प्रदर्शन आयोजना गरेको थियो। सोही क्रममा स्थिति उग्र बन्दै गएपछि कोटेश्वर र आसपासका क्षेत्रमा अशान्ति फैलिएको हो।
