काठमाडौं, जेठ २२ :
नेपाल प्रहरीले केन्द्रीय प्रहरी प्रवक्ताको जिम्मेवारी डीआइजी विनोद घिमिरेलाई दिइएको छ।
प्रहरी प्रधान कार्यालय, नक्सालले बिहीबार घिमिरेलाई प्रवक्ताको जिम्मेवारी दिएको हो। यसअघि उक्त जिम्मेवारी प्रहरी वरिष्ठ उपरीक्षक (एसएसपी) रमेश थापाले सम्हालिरहेका थिए।
जिम्मेवारी हेरफेरसहित एसएसपी थापालाई अब सह–प्रवक्ता तथा सूचना अधिकारीको भूमिकामा तोकिएको छ। प्रहरी संगठनभित्र सूचना प्रवाह र सञ्चार व्यवस्थापनलाई प्रभावकारी बनाउन प्रवक्ताको भूमिकालाई महत्वपूर्ण मानिन्छ।
डीआईजी घिमिरेले यसअघि पनि विभिन्न स्थानमा जिम्मेवारी सम्हालिसकेका अनुभवी अधिकृत हुन्। अब उनले प्रहरी संगठनको आधिकारिक धारणा सार्वजनिक गर्ने र सञ्चार माध्यमसँग समन्वय गर्ने काम गर्नेछन्।
