काठमाडौं, माघ ५ :
नेपाल प्रहरी प्रधान कार्यालय प्रहरी महानिरीक्षकको सचिवालयका प्रहरी नायब महानिरीक्षक दिनेशकुमार आचार्यलाई नेपाल प्रहरीको केन्द्रीय प्रहरी प्रवक्ता तोकिएको छ ।
नेपाल प्रहरीद्वारा सम्पादित जनसरोकारका काम कारबाहीलाई यथार्थ तथा तथ्यगत रूपमा सञ्चार माध्यमहरूमा सम्प्रेषण गर्न प्रहरी नायब महानिरीक्षक आचार्यलाई शुक्रबार केन्द्रीय प्रहरी प्रवक्ता तोकिएको हो ।
प्रहरी नायब महानिरीक्षक आचार्यलाई ९८५१२९२१११ मा सम्पर्क गर्न सकिने पनि प्रहरीले विज्ञप्तिमार्फत जनाएको छ ।
